1 րոպեի ընթերցում
ԵՐԵՎԱՆ,15 ՀՈՒՆՎԱՐԻ, ԱՐՄԵՆՊՐԵՍ։ Անցած տարվա ընթացքում մեծածավալ աշխատանքներ են իրականացվել Հայաստանի ներքին գործերի նախարարությունը ձևավորելու ուղղությամբ։ «Արմենպրես»-ի հաղորդմամբ՝ մամուլի ասուլիսի ժամանակ այս մասին ասաց ներքին գործերի նախարար Վահե Ղազարյանը։
Նրա խոսքով՝ հաստատվել են նախարարության և ենթակա 3 պետական մարմինների կանոնադրություններն ու կառուցվածքը, ինչպես նաև ընդունվել են անհրաժեշտ ենթաօրենսդրական ակտերը։
«Նախարարության կառուցվածքային ստորաբաժանումների գերակշիռ մասն արդեն իսկ մրցութային ձևաչափով ձևավորվել և գործում է»,- նշեց նախարարը։
Ղազարյանը նշեց, որ ներքին գործերի նախարարության ձևավորմամբ ոչ ոստիկանական գործառույթները (հատկապես պետության կողմից մատուցվող հանրային ծառայությունները) տեղափոխվել են նախարարության տիրույթ։