Նիկոլ Փաշինյանն ու Աննա Հակոբյանը Ջերմուկում ներկա են գտնվել Ամանորի բացօթյա համերգին և այցելել Սուրբ Ծննդյան տոնավաճառ
1 րոպեի ընթերցում
ԵՐԵՎԱՆ, 30ԴԵԿՏԵՄԲԵՐԻ, ԱՐՄԵՆՊՐԵՍ: Վարչապետ Նիկոլ Փաշինյանը և տիկին Աննա Հակոբյանը Ջերմուկում ներկա են գտնվել Ամանորյա բացօթյա համերգին, որը նախատեսվում է դարձնել ամենամյա հեղինակային երգի փառատոն։ «Արմենպրես»-ի փոխանցմամբ՝ այս մասին հայտնում են վարչապետի աշխատակազմից՝ նշելով, որ Նիկոլ Փաշինյանն ու Աննա Հայոբյանն այցելել են նաև Սուրբ Ծննդյան տոնավաճառ:
Միջոցառումը կազմակերպել է Կրթության, գիտության, մշակույթի և սպորտի նախարարությունը՝ «Ջերմ Ամանոր Ջերմուկում» խորագրի ներքո:
Տաղավարներով շրջայցի ընթացքում վարչապետը տիկնոջ հետ ծանոթացել է ներկայացված արտադրատեսակներին, կատարել գնումներ: Միջոցառմանը ներկա քաղաքացիներին Նիկոլ Փաշինյանը շնորհավորել է Ամանորի և Սուրբ Ծննդյան տոների առիթով և հղել մաղթանքներ: