Երևանը և Բաքուն խաղաղության համաձայնագրի հասնելու քաղաքական կամք ունեն․ Պեսկով

2 րոպեի ընթերցում

ԵՐԵՎԱՆ, 27 ԴԵԿՏԵՄԲԵՐԻ, ԱՐՄԵՆՊՐԵՍ։ Ռուսաստանը տեսնում է Հայաստանի ու Ադրբեջանի կողմից խաղաղության համաձայնագրի հասնելու քաղաքական կամքի առկայությունը և աջակցում է այդ գործընթացին։ Ինչպես հաղորդում է «Արմենպրես»-ը, վկայակոչելով ՏԱՍՍ գործակալությունը, այդ մասին ասել է ՌԴ նախագահի մամուլի քարտուղար Դմիտրի Պեսկովը։

«Կարևորն այն է, որ մենք տեսնում ենք քաղաքական կամքի առկայությունը և Երևանի, և Բաքվի մոտ։ Մենք դրան աջակցում ենք։ Մենք կարծում ենք, որ նման պայմանագրի կնքումն օգտակար կլինի ինչպես երկու երկրների, այնպես էլ ամբողջ տարածաշրջանում կայունության և խաղաղության համար»,- ասել է նա։

Պեսկովն անդրադարձել է նաև Սանկտ Պետերբուրգում ԱՊՀ երկրների ղեկավարների ոչ պաշտոնական հանդիպման շրջանակներում Հայաստանի վարչապետ Նիկոլ Փաշինյանի և Ադրբեջանի նախագահ Իլհամ Ալիևի շփումներին՝ նշելով, որ դրանք ոչ թե բանակցություններ են եղել, այլ «ոտքի վրա կարճ շփումներ»։

«Նրանք երեկ բանակցություններ չեն վարել, սակայն այդպիսի միջոցառումները, նաև ԱՊՀ ղեկավարների ոչ պաշտոնական գագաթնաժողովը, միշտ լավ հնարավորություն են ոտքի վրա կարճ շփումների համար։ Այդպես եղել է նաև այս անգամ»,- հայտարարել է Դմիտրի Պեսկովը։

Դեկտեմբերի 26-ին Հայաստանի վարչապետի մամուլի քարտուղար Նազելի Բաղդասարյանը հայտնել էր, որ Սանկտ Պետերբուրգում ԱՊՀ երկրների առաջնորդների ոչ պաշտոնական հանդիպման շրջանակներում ունեցած շփումների ժամանակ Հայաստանի ու Ադրբեջանի ղեկավարները քննարկել են Հայաստան-Ադրբեջան խաղաղության օրակարգին վերաբերող հարցեր։

Հայերեն العربية English Français ქართული Русский Türkçe 中文

Արդարադատության նախարարի տեղակալն ընդունել է ՄԱԿ-ի Փախստականների հարցերով գերագույն հանձնակատարի հայաստանյան գրասենյակի ղեկավարին

Սերբիայում ռազմական ինքնաթիռ է կործանվել․ օդաչուն զոհվել է

Արմավիրի մարզի Գայ գյուղում գործող ձկնաբուծարանում ապօրինի ջրօգտագործման դեպք է արձանագրվել

Մոլդովան պատերազմի ավարտից հետո կմասնակցի Ուկրաինայի ականազերծման աշխատանքներին. Moldpres

Գևորգ Պապոյանը Մոսկվայում կմասնակցի ԵԱՏՄ խորհրդակցությունների

ԱԺ նախագահն առաջարկել է Արսեն Գևորգյանի մահվան դեպքը քննարկել առանց քաղաքական շահարկումների

ՃՇՀԱՀ-ի և ԿԳՄՍՆ Բարձրագույն կրթության և գիտության կոմիտեի միջև ստորագրվեց փոխըմբռնման հուշագիր

Նոյեմբերի 18-ի միջոցառումների անոնս

ԱՄՆ-ն ևս 4 ամսով Հունգարիային ազատել է ռուսական նավթի գնման համար գործող պատժամիջոցներից

ՄԻՊ աշխատակազմում հյուրընկալվել են «Խորհուրդ X» երիտասարդական կազմակերպության անդամները և ԵՊՀ ուսանողները