1 րոպեի ընթերցում
ԵՐԵՎԱՆ, 26 ԴԵԿՏԵՄԲԵՐԻ, ԱՐՄԵՆՊՐԵՍ: Իրաքի ուժային կառույցների առնվազն 10 աշխատակիցներ են վիրավորվել ԱՄՆ-ի ավիահարվածների հետևանքով։
Ինչպես հաղորդում է «Արմենպրես»-ը, այդ մասին հաղորդել է Al Arabiya հեռուստաալիքը։
Ըստ նրանց տվյալների՝ ամերիկացի զինվորականները թիրախներին հարվածներ են հասցրել Բաբիլի և Վասիթի նահանգներում։ Գնդակոծությունների հետևանքով զոհվել է նաև մեկ մարդ, վիրավորվել են անանուն խմբավորումների ևս վեց մարտիկներ։
Իր հերթին Ash-Sharq հեռուստաալիքը հայտնել է, որ Իրաքի Վասիթի նահանգում շիաների «Հեզբոլլահ ալ Նուջաբաա» իրանամետ շարժման ճամբարը հարձակման է ենթարկվել անօդաչու թռչող սարքի միջոցով։
Ավելի վաղ ԱՄՆ զինված ուժերի Կենտրոնական հրամանատարությունը հայտնել է Իրաքում շիաների «Քաթայիբ Հեզբոլլահ» խմբավորման օբյեկտներին հարվածներ հասցնելու մասին՝ ի պատասխան Իրաքում և Սիրիայում կոալիցիոն ուժերի վրա հարձակումների: