1 րոպեի ընթերցում
ԵՐԵՎԱՆ, 14 ԴԵԿՏԵՄԲԵՐԻ, ԱՐՄԵՆՊՐԵՍ: Արագածոտնի մարզային փրկարարական վարչության ճգնաժամային կառավարման կենտրոնը դեկտեմբերի 14-ին, ժամը 15։16-ին ահազանգ է ստացել, որ Արագածավան գյուղի Մուրացանի փողոցում այրվում է խոտածածկ տարածք։
Ինչպես «Արմենպրես»-ին տեղեկացրին ՀՀ ներքին գործերի նախարարության փրկարար ծառայությունից, դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատի մեկ մարտական հաշվարկ։
Ըստ աղբյուրի՝ պարզվել է, որ այրվում է անասնակեր:
Նշվում է, որ հրդեհը մեկուսացվել է ժամը 16։10-ին, մարվել՝ 16։48-ին։ Այրվել է մոտ 300 հակ անասնակեր։