1 րոպեի ընթերցում
ԵՐԵՎԱՆ, 1 ԴԵԿՏԵՄԲԵՐԻ, ԱՐՄԵՆՊՐԵՍ: Երգչուհի Սոֆի Մխեյանը երկրպագուներին է ներկայացրել «Հեռանում եմ» երգը, որի հոլովակն արդեն համացանցում է:
«Արմենպրես»-ի հաղորդմամբ՝ երգի խոսքերի հեղինակը Գրիգոր Կյոկչյանն է, երաժշտությունը՝ Նիկ Էգիբյանի, գործիքավորումը ևս իրականացրել է Նիկ Էգիբյանը, հոլովակի ռեժիսորը Տիգրան Ավետիսյանն է:
Երգը հրապարակելիս Մխեյանը «Ֆեյսբուք»-ի իր պաշտոնական էջում գրել է, որ անհամբեր սպասելու է արձագանքներին: «Շնորհակալ եմ ընկերներիս: Երգ-էմոցիա, որ ծնվեց մեկ շաբաթ առաջ, ու յուրաքանչյուրիդ շնորհիվ այսօր այն ներկայացնում եմ ձեր դատին»,-գրել է նա: