Եվրահանձնաժողովը 110 մլն եվրո է հատկացրել Ուկրաինային մարդասիրական օգնության համար

ԵՐԵՎԱՆ, 14 ՆՈՅԵՄԲԵՐԻ, ԱՐՄԵՆՊՐԵՍ: Եվրահանձնաժողովը հայտարարել է, որ 110 մլն եվրո կհատկացնի Ուկրաինային լրացուցիչ մարդասիրական օգնության համար՝ կապված ձմռան մոտենալու հետ: «Արմենպրես»-ի հաղորդմամբ՝ այս մասին հայտնում է «Ինտերֆաքս»-ը՝ վկայակոչելով ԵՀ-ի կոմյունիկեն:

Ընդհանուր գումարից 100 մլն եվրոն կուղղվի Ուկրաինայում հումանիտար գործողություններին, իսկ 10 մլն եվրոն ՝ ուկրաինացի փախստականներին և Մոլդովայում հյուրընկալող համայնքներին աջակցելուն: