368.54
Հակոբ Արշակյանի գլխավորած պատվիրակությունը Դամասկոսում հանդիպել է Սիրիայի հայ համայնքի ներկայացուցիչների հետ
1 րոպեի ընթերցում
ԵՐԵՎԱՆ, 13 ՆՈՅԵՄԲԵՐԻ, ԱՐՄԵՆՊՐԵՍ։ Հայաստանի Ազգային ժողովի փոխնախագահ Հակոբ Արշակյանի գլխավորած պատվիրակությունն աշխատանքային այցով Սիրիայում է։
Ինչպես հաղորդում է «Արմենպրես»-ը, այս մասին «Ֆեյսբուք»-ի իր էջում կատարած գրառմամբ հայտնել է Հակոբ Արշակյանը։
Պատվիրակության կազմում ընդգրկված են պատգամավորներ Ռուստամ Բաքոյանը, Շիրակ Թորոսյանը և Արեն Մկրտչյանը։
ԱԺ պատգամավորները Դամասկոսի Հայաստանի դեսպանատանը հանդիպել են Սիրիայի հայ համայնքի ներկայացուցիչների և հոգևոր հայրերի հետ։
Հանդիպման ընթացքում քննարկվել են տարածաշրջանում առկա իրավիճակը։ Պատգամավորներն ընդգծել են Հայաստանի առջև կանգնած արտաքին և անվտանգային մարտահրավերների հաղթահարման շուրջ բոլորի ջանքերի մեկտեղման անհրաժեշտությունը։
Դամասկոս այցի ընթացքում նաև նախատեսվում են մի շարք պաշտոնական հանդիպումներ, որոնց մասին կտրամադրվի հավելյալ տեղեկատվություն։
Բաժանորդագրվեք մեր ալիքին Telegram-ում