Հրշեջները Գյումրիում ավտոմեքենայի հրդեհ են մարել

ԵՐԵՎԱՆ, 24 ՀՈԿՏԵՄԲԵՐԻ, ԱՐՄԵՆՊՐԵՍ: Շիրակի մարզային փրկարարական վարչության ճգնաժամային կառավարման կենտրոնը հոկտեմբերի 24-ին, ժամը 16։12-ին ահազանգ է ստացել, որ Գյումրի քաղաքի Պարույր Սևակի փողոցի թիվ 13 շենքի մոտակայքում այրվում է ավտոմեքենա:

Ինչպես «Արմենպրես»-ին տեղեկացրին ՀՀ ներքին գործերի նախարարության փրկարար ծառայությունից, դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատի մեկ մարտական հաշվարկ:

Ըստ աղբյուրի՝ հրդեհը մեկուսացվել է ժամը 16:26-ին, մարվել՝ 16:33-ին: Այրվել է կայանած «Opel» մակնիշի ավտոմեքենայի սրահը․ տուժածներ չկան:

Նշվում է, որ փրկարարները հոսանքազրկել են ավտոմեքենան և փակել գազի բալոնի փականը։