1 րոպեի ընթերցում
ԵՐԵՎԱՆ, 22 ՍԵՊՏԵՄԲԵՐԻ, ԱՐՄԵՆՊՐԵՍ: Չինաստանը և Սիրիան կհայտարարեն երկրների միջև ռազմավարական գործընկերային հարաբերություններ հաստատելու մասին։ Ինչպես «Արմենպրես»-ը տեղեկանում է ՏԱՍՍ-ից, այս մասին հայտարարել է ՉԺՀ նախագահ Սի Ծինփինը Սիրիայի նախագահ Բաշար ալ Ասադի հետ Հանչժոու քաղաքում կայացած հանդիպմանը:
«Այսօր մենք համատեղ կհայտարարենք Չինաստան-Սիրիա ռազմավարական գործընկերության հաստատման մասին, որը կարևոր ուղենիշ կդառնա երկու երկրների միջև հարաբերությունների պատմության մեջ», - ասել է Չինաստանի ղեկավարը։