1 րոպեի ընթերցում
ԵՐԵՎԱՆ, 22 ՕԳՈՍՏՈՍԻ, ԱՐՄԵՆՊՐԵՍ: Ֆուտզալի Հայաստանի չեմպիոն «Երևան» ակումբը մեկնել է Կիպրոս, որտեղ կմասնակցի Չեմպիոնների լիգայինախնական փուլի մրցաշարին։
Ինչպես տեղեկացնում է «Արմենպրես»-ը, վկայակոչելով ակումբի «Ֆեյսբուքի» էջը, Հայաստանի չեմպիոնն ընդգրկված է Gխմբում, որտեղ կմրցի Կիպրոսի «ԱԵԼ Լիմասոլի» (օգոստոսի 23), շվեյցարական «Միներվայի» (օգոստոսի 24) և Սան Մարինոն ներկայացնող «Ֆիորենտինոյի» (օգոստոսի 26) հետ: Հաջորդ փուլի ուղեգիր կնվաճեն խմբերի հաղթողները։
«Հաշվի առնելով, որ այս սեզոնին շատ հայրենակիցներ հանգստանում են Կիպրոսում, ուրախ կլինենք տեսնել Ձեր աջակցությունը Հայաստանի չեմպիոնին՝ առաջիկա հանդիպումների ընթացքում։ Սպասեք լավ նորությունների Լիմասոլից»,- ասված է «Երևան» ակումբի հաղորդագրության մեջ։