Ջրափրկարարները հայտնաբերել են Սևան քաղաքում կորած երկու երեխաներին 

ԵՐԵՎԱՆ, 20 ՕԳՈՍՏՈՍԻ, ԱՐՄԵՆՊՐԵՍ: Քաղաքացին օգոստոսի 19-ին, ժամը 16:30-ին դիմել է Սևանի 1-ին հանրային լողափում շուրջօրյա հերթապահություն իրականացնող ջրափրկարարներին առ այն, որ Սևան քաղաքում կորել է երկու երեխա։

Ինչպես «Արմենպրես»-ին տեղեկացրին ՀՀ ներքին գործերի նախարարության փրկարար ծառայությունից, ջրափրկարարները հայտնաբերել են Մ․ Գ․-ին (ծնված 2018 թ․) և Է․ Ա․-ին (ծնված 2011 թ․)։