Հրշեջ-փրկարարները վերսկսել են հրդեհաշիջման աշխատանքները Սյունիքի մարզի Շվանիձոր գյուղում այրվող խոտածածկ տարածքում

ԵՐԵՎԱՆ, 20 ՕԳՈՍՏՈՍԻ, ԱՐՄԵՆՊՐԵՍ: Հրշեջ-փրկարարներն օգոստոսի 20-ին, ժամը 06։50-ին վերսկսել են հրդեհաշիջման աշխատանքները Սյունիքի մարզի Շվանիձոր գյուղի վերջնամասում այրվող խոտածածկ տարածքում, որտեղ առկա մոտ 12 ծխացող օջախ։ «Արմենպրես»-ին այս մասին տեղեկացրին ՀՀ ներքին գործերի նախարարության փրկարար ծառայությունից։

Ըստ աղբյուրի՝ օգոստոսի 19-ին, ժամը 14։21-ին Սյունիքի մարզային փրկարարական վարչության ճգնաժամային կառավարման կենտրոնն ահազանգ է ստացել, որ Շվանիձոր գյուղի վերջնամասում այրվում է խոտածածկ տարածք:

Դեպքի վայր են մեկնել ՆԳՆ ՓԾ մարզային փրկարարական վարչության երեք օպերատիվ խումբ և հրշեջ-փրկարարական ջոկատի մեկ մարտական հաշվարկ։

Նշվում է, որ այրվելիս է եղել մոտ 7 հա խոտածածկույթ․ կան ծխացող օջախներ:

Ժամը 21:10-ի դրությամբ, մթության պատճառով հրդեհաշիջման աշխատանքները դադարեցվել են. սահմանվել է հերթապահություն: