Հրշեջները մարել են Դիլիջանի բնակելի շենքերից մեկում բռնկված հրդեհը

ԵՐԵՎԱՆ, 13 ՕԳՈՍՏՈՍԻ, ԱՐՄԵՆՊՐԵՍ: Տավուշի մարզային փրկարարական վարչության ճգնաժամային կառավարման կենտրոնն օգոստոսի 13-ին, ժամը 00:18-ին ահազանգ է ստացել, որ հրդեհ է բռնկվել Դիլիջան քաղաքի Զինավան թաղամասում:

Ինչպես «Արմենպրես»-ին տեղեկացրին ՀՀ ներքին գործերի նախարարության փրկարար ծառայությունից, դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատի երկու մարտական հաշվարկ:

Ըստ աղբյուրի՝ պարզվել է, որ հրդեհը բռնկվել է Զինավան թաղամասի շենքերից մեկի 2-րդ հարկի մի բնակարանում:

Նշվում է, որ հրդեհը մեկուսացվել է ժամը 00:42-ին, մարվել՝ 00:57-ին: Այրվել է մեկ սառնարան: