Գնել Սանոսյանը կարևորել է ԱՄԷ-ի հետ համագործակցությունը էներգետիկ ոլորտում
1 րոպեի ընթերցում
![Գնել Սանոսյանը կարևորել է ԱՄԷ-ի հետ համագործակցությունը էներգետիկ ոլորտում](http://armenpress.am/resized/480/static/news/b/2023/07/1116196.jpg)
ԵՐԵՎԱՆ, 26 ՀՈՒԼԻՍԻ, ԱՐՄԵՆՊՐԵՍ։ Հայաստանի տարածքային կառավարման և ենթակառուցվածքների նախարար Գնել Սանոսյանն ընդունել է Հայաստանի Հանրապետությունում Արաբական Միացյալ Էմիրությունների նորանշանակ արտակարգ և լիազոր դեսպան Նարիման Ալ-Մուլլային։
«Արմենպրես»-ին այս մասին հայտնեցին ՀՀ տարածքային կառավարման և ենթակառուցվածքների նախարարությունից։
Նախարարը ողջունել է դեսպանին և հաջողություններ մաղթել հայաստանյան առաքելության ընթացքում։
Դեսպանը շնորհակալություն է հայտնել ջերմ ընդունելության համար և բարձր է գնահատել հայ-էմիրաթական հարաբերությունների առկա մակարդակը և այն խորացնելու անհրաժեշտությունը։
Հանդիպման ժամանակ քննարկվել են տարբեր ոլորտներում առկա համագործակցության վերաբերյալ հարցեր։ Մասնավորապես անդրադարձ է կատարվել էներգետիկ, վերականգնվող էներգիայի, թափոնների վերամշակման, շինարարության ոլորտներին։
Նախարարը կարևորել է հատկապես էներգետիկ ոլորտում առկա համագործակցությունը։
Հանդիպման ժամանակ նախանշվել են փոխգործակցության նոր ուղղություններ։