Հայաստանում աշնանը կանցկացվի հերթական խոշոր միջազգային մրցաշարը. կառավարությունը որոշում ընդունեց
1 րոպեի ընթերցում
ԵՐԵՎԱՆ, 20 ՀՈՒԼԻՍԻ, ԱՐՄԵՆՊՐԵՍ: Հայաստանի կառավարությունը չզեկուցվող հարցերի փաթեթում ընդունեց որոշում, որով կապահովվի Սամբոյի աշխարհի առաջնության անցկացումը Հայաստանում:
«Արմենպրես»-ի հաղորդմամբ՝ վարչապետ Նիկոլ Փաշինյանն ասաց. «Աշնանը հերթական խոշոր միջազգային մրցաշարն է տեղի ունենալու: Հաջողություն եմ մաղթում մեր մարզիկներին»:
Սամբոյի աշխարհի առաջնությունը կմեկնարկի նոյեմբերի 10-ին և կավարտվի նոյեմբերի 12-ին։