1 րոպեի ընթերցում
ԵՐԵՎԱՆ, 8 ՀՈՒԼԻՍԻ, ԱՐՄԵՆՊՐԵՍ։ Մի քանի զինված անձինք հուլիսի 8-ին զինված հարձակում են գործել Իրանի հարավ-արևելյան Սիստան և Բելուջիստան նահանգի մայրաքաղաք Զահեդանի ոստիկանական բաժանմունքի վրա: «Արմենպրես»-ի հաղորդմամբ՝ այս մասին հայտնում է Tasnim գործակալությունը:
Նշվում է, որ հարձակվողները մահապարտների ժիլետներ են կրել, նրանցից երկուսը պայթեցրել են իրենց:
Դեպքի վայրում կրակոցներ են հնչել: Որոշ աղբյուրներ հայտնել են, որ հարձակվողները փորձել են ներխուժել ոստիկանական բաժանմունք:
Ականատեսները հայտնել են, որ ահաբեկիչները բարձրացել են ոստիկանական բաժանմունքի դիտաշտարակ և վերևից կրակել ոստիկանների վրա:
Կայանի ներսում ոստիկանական ուժերը և բազայից դուրս գտնվող անվտանգության ուժերը դաժան փոխհրաձգության ընթացքում շրջապատել են հարձակվողներին: