1 րոպեի ընթերցում
ԵՐԵՎԱՆ, 4 ՀՈՒՆԻՍԻ, ԱՐՄԵՆՊՐԵՍ։ Եվրոպական դիվանագիտության ղեկավար Ժոզեպ Բորելի՝ Չինաստան պլանավորված այցը չեղարկվել է Պեկինի կողմից։ «Արմենպրես»-ի փոխանցմամբ՝ այս մասին հաղորդում է Reuters-ը՝ վկայակոչելով Եվրահանձնաժողովի արտաքին գործերի և անվտանգության քաղաքականության հարցերով խոսնակ Նաբիլա Մասրալիին։
«Ցավոք, չինացի գործընկերները մեզ տեղեկացրին, որ հաջորդ շաբաթ նախատեսված ժամկետներն այլևս հնարավոր չեն, և մենք այժմ պետք է այլընտրանք փնտրենք», - հայտնել է Մասրալին Reuters-ին ուղղված գրավոր հայտարարության մեջ։
Եվրոպական հանձնաժողովի փոխնախագահ, Եվրոպական միության արտաքին գործերի և անվտանգության քաղաքականության հարցերով բարձր ներկայացուցիչ Ժոզեպ Բորելըպետք է Չինաստան մեկներ հուլիսի 10-ին։ Ինչպես ավելի վաղ հայտնել էր «Արմենպրես»-ը, Բորելը պետք է հանդիպեր Չինաստանի արտգործնախարարի և այլ պաշտոնատար անձանց հետ։