368.59
Փրկարարները Երևանի Րաֆֆու փողոցում գտնվող Սուրբ երրորդություն եկեղեցու քիվից ապամոնտաժել են մոտ 50 քար
1 րոպեի ընթերցում
ԵՐԵՎԱՆ, 26 ՀՈՒՆԻՍԻ, ԱՐՄԵՆՊՐԵՍ: Ճգնաժամային կառավարման ազգային կենտրոնը hունիսի 26-ին, ժամը 11:42-ին ահազանգ է ստացել, որ Երևանի Րաֆֆու փողոցում գտնվող Սուրբ երրորդություն եկեղեցում առկա է փլուզման վտանգ։
Ինչպես «Արմենպրես»-ին տեղեկացրին ՀՀ ներքին գործերի նախարարության փրկարար ծառայությունից, դեպքի վայր են մեկնել ՆԳՆ ՓԾ Երևան քաղաքի փրկարարական ուժերի վարչության հատուկ նշանակության փրկարարական աշխատանքների իրականացման կենտրոնի փրկարարական խումբը և մեկ ավտոսանդուղք։
Ըստ աղբյուրի՝ պարզվել է, որ եկեղեցու քիվի հատվածից ընկել են քարեր և առկա է թուլացած քարերի ընկնելու վտանգ:
Փրկարարները քիվի տարբեր հատվածներից ապամոնտաժել են մոտ 50 քար:
Բաժանորդագրվեք մեր ալիքին Telegram-ում