1 րոպեի ընթերցում
ԵՐԵՎԱՆ, 17 ՄԱՅԻՍԻ, ԱՐՄԵՆՊՐԵՍ: Շուրջ 12 տարվա դադարից հետո airBaltic ավիաընկերությունը մայիսի 17-ին վերսկսել է Ռիգա-Երևան-Ռիգա երթուղով թռիչքները:
«Արմենպրես»-ն այս մասին տեղեկանում է «Զվարթնոց» օդանավակայանի տարածած հաղորդագրությունից:
«Այսօր՝ մայիսի 17-ին, 12 տարվա դադարից հետո «Զվարթնոց» միջազգային օդանավակայանում դիմավորեցին լատվիական ազգային փոխադրող airBaltic ավիաընկերության Ռիգա – Երևան – Ռիգա երթուղով չվերթը»,- ասվում է հաղորդագրության մեջ:
Չվերթերը կիրականացվեն յուրաքանչյուր չորեքշաբթի և կիրակի օրերին: