1 րոպեի ընթերցում
ԵՐԵՎԱՆ, 10 ՄԱՅԻՍԻ, ԱՐՄԵՆՊՐԵՍ: «Եվրատեսիլ 2023»-ի առաջին կիսաեզրափակիչը, որին մասնակցեց 15 երկիր, հաղթահարեցին և եզրափակիչ դուրս եկան Խորվաթիան, Մոլդովան, Շվեյցարիան, Ֆինլանդիան, Չեխիան, Իսրայելը, Պորտուգալիան, Շվեդիան, Սերբիան և Նորվեգիան:
«Արմենպրես»-ի հաղորդմամբ՝ մրցույթի առաջին կիսաեզրափակիչը տեղի ունեցավ մայիսի 9-ին Լիվերպուլում:
Առաջին կիսաեզրափակիչը չհաղթահարեցին Նիդերլանդները, Մալթան, Լատվիան, Իռլանդիան և Ադրբեջանը:
Հայաստանի պատվիրակ Բրյունետը Future Lover երգով հանդես կգա մրցույթի երկրորդ կիսաեզրափակիչում, որը տեղի կունենա մայիսի 11-ին: Մրցույթի եզրափակիչը կանցկացվի մայիսին 13-ին: