Արագածոտնի մարզի Ծաղկահովիտ գյուղում այրվել է մոտ 3 հա խոտածածկույթ և ջերմահարվել՝ եղևնու մոտ 120 տնկի
1 րոպեի ընթերցում
ԵՐԵՎԱՆ, 25 ԱՊՐԻԼԻ, ԱՐՄԵՆՊՐԵՍ: Արագածոտնի մարզային ճգնաժամային կառավարման կենտրոնն ապրիլի 25-ին, ժամը 14:55-ին ահազանգ է ստացել, որ Ծաղկահովիտ գյուղի Մաղարա կոչվող սարի հետնամասում հրդեհ է բռնկվել։
Ինչպես «Արմենպրես»-ին տեղեկացրին ՀՀ ներքին գործերի նախարարության փրկարար ծառայությունից դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։
Ըստ աղբյուրի՝ հրդեհը մեկուսացվել է ժամը 15։58-ին, մարվել՝ 16։12-ին։ Այրվել է մոտ 3 հա խոտածածկույթ և ջերմահարվել՝ եղևնու մոտ 120 տնկի: