Հաղարծին գյուղում տան տանիք է այրվել

ԵՐԵՎԱՆ, 24 ԱՊՐԻԼԻ, ԱՐՄԵՆՊՐԵՍ: Տավուշի մարզային ճգնաժամային կառավարման կենտրոնն ապրիլի 24-ին, ժամը 12։39-ին ահազանգ է ստացել, որ հրդեհ է բռնկվել Հաղարծին գյուղի 1-ին փողոցի տներից մեկին կից շինությունում։

Ինչպես «Արմենպրես»-ին տեղեկացրին ՀՀ ներքին գործերի նախարարության փրկարար ծառայությունից, դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատի երկու մարտական հաշվարկ։

Հրդեհը մեկուսացվել է ժամը 13:07-ին, մարվել՝ 13:23-ին:

Ըստ աղբյուրի՝ այրվել են Հաղարծին գյուղի 1-ին փողոցի տներից մեկին կից խորդանոցի գույքը և տանիքի (մոտ 40 քմ) փայտե կառուցատարրերը (մոտ 30 քմ):