Հրշեջները մարել են Փարաքարի կահույքի սրահներից մեկում բռնկված հրդեհը

ԵՐԵՎԱՆ, 20 ԱՊՐԻԼԻ, ԱՐՄԵՆՊՐԵՍ: Ճգնաժամային կառավարման ազգային կենտրոնն ապրիլի 20-ին, ժամը 14:40-ին ահազանգ է ստացվել, որ հրդեհ է բռնկվել Փարաքար գյուղի Մայրաքաղաքային փողոցի 98 հասցեում գտնվող կահույքի սրահում:

Ինչպես «Արմենպրես»-ին տեղեկացրին ՀՀ ներքին գործերի նախարարության փրկարար ծառայությունից, հրդեհի բարդության «1 ԲԻՍ» կանչով դեպքի վայր են մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատների չորս մարտական հաշվարկ և Հրդեհաշիջման և փրկարարական աշխատանքների կազմակերպման բաժնի հերթապահ խումբը:

Ըստ նախնական տվյալների՝ մոտ 300-400 քմ մակերեսով մեկհարկանի շինությունում այրվում են կահույքի երեսպատման պարագաներ։ Կա տուժած:

Ըստ աղբյուրի՝ հրդեհը մեկուսացվել է ժամը 15:14-ին, մարվել՝ 15:34-ին: