1 րոպեի ընթերցում
ԵՐԵՎԱՆ, 4 ԱՊՐԻԼԻ, ԱՐՄԵՆՊՐԵՍ: Ապրիլի 16-ին ծրագրավորողների միջև տեղի կունենա Code Battle ծրագրավորման մրցույթը։ «Արմենպրես»-ի հաղորդմամբ՝ միջոցառմանը կարող են մասնակցել թե՛ սկսնակ, թե՛ փորձառու ծրագրավորողները, ինչպես նաև բոլոր այն մարդիկ, ում հետաքրքիր է ՏՏ ոլորտը:
Մրցույթի արդյունքում կլինի երեք հիմնական հաղթող, որոնք կարժանանան տարբեր դրամական պարգևների։ Մնացած մասնակիցները Full Learning ընկերության կողմից կստանան նվերներ։
Code Battle-ը կազմակերպվում է ծանոթանալու, ուժերը փորձելու և մեկ թիմ դառնալու համար: Ինչպես նաև միավորելու Հայաստանի և այլ երկրների ծրագրավորողներին, որի արդյունքում ստեղծվում են տարբեր կապեր ու համագործակցություններ:
Կազմակերպիչները հայտնում են, որ գրանցումները մեկնարկել են, արդեն կա շուրջ 200 գրանցված մասնակից։ Միջոցառման մուտքն անվճար է։ Միջոցառմանը գրանցվելու և մասնակցելու բոլոր մանրամասները հասանելի են այստեղ։