1 րոպեի ընթերցում
ԵՐԵՎԱՆ, 24 ՄԱՐՏԻ, ԱՐՄԵՆՊՐԵՍ։ Հայ հիմնադիր ունեցող Britive ընկերությունը հայտարարել է 20,5 միլիոն դոլար Series B ներդրման մասին՝ Pelion Venture Partners-ի գլխավորությամբ։
«Արմենպրես»-ի հաղորդմամբ՝ գործարքին մասնակցել են նաև Liberty Global Ventures, Crosslink Capital և One Way Ventures վենչուրայի ֆոնդերը:
Britive-ի համահիմնադիր և գործադիր տնօրեն Արտյոմ Պողոսյանի խոսքով՝ այն ուղղվելու է հաճախորդների հաջողությունների, մարքեթինգի և վաճառքների, ինչպես նաև պրոդուկտի զարգացմանը։
Britive-ը ամպային տեխնոլոգիաների անվտանգության լուծում է տրամադրում խոշոր և միջին ձեռնարկություններին՝ առողջապահության, ավտոմոբիլային, առևտրի, մեդիայի և այլ ոլորտներում։