Հայաստանի ֆուտբոլի հավաքականի պաշտպան Անդրե Չալըշըրը կխաղա շվեդական «Բրոմապոյկարնա»-ում

ԵՐԵՎԱՆ, 22 ՓԵՏՐՎԱՐԻ, ԱՐՄԵՆՊՐԵՍ: Հայաստանի ֆուտբոլի ազգային թիմի անդամ Անդրե Չալըշըրը կարիերան կշարունակի շվեդական «Բրոմապոյկարնա»-ում:

«Արմենպրես»-ի հաղորդմամբ` այս մասին գրում է ակումբի մամուլի ծառայությունը: «Բրոմապոյկարնա»-ն հանդես է գալու Շվեդիայի առաջնության բարձրագույն խմբում:

Չալըշըրը Հայաստանի ֆուտբոլի ազգային թիմին միացել է 2018 թվականին: Ընտրանու կազմում անցկացրել է 23 հանդիպում:

Մինչ այս՝ Չալըշըրը հանդես է եկել շվեդական «Յուրգորդեն», «Սկելեֆտեա», «Յոնչյոպինգ», «Գյոթեբորգ», ինչպես նաև՝ հունական «Ապոլոն Սմիրնիս» և դանիական «Սիլկեբորգ»ակումբներում:

Հետևեք մեզԻնստագրամում