«Հաշվապահություն, ծրագրեր և տեխնիկական հմտություններ» անվճար դասընթացն ընդունում է գրանցման հայտեր

ԵՐԵՎԱՆ, 15 ՓԵՏՐՎԱՐԻ, ԱՐՄԵՆՊՐԵՍ: «Ձեռնարկությունների ինկուբատոր» հիմնադրամը և Վանաձորի տեխնոլոգիական կենտրոնը՝ «Հայաստանում աշխատուժի զարգացման» ծրագրի ներքո հայտարարում են «Հաշվապահություն, ծրագրեր և տեխնիկական հմտություններ» անվճար դասընթաց։

«Արմենպրես»-ի հաղորդմամբ՝ դասընթացին մասնակցելու համար պետք է մինչև փետրվարի 20-ը գրանցվել:

Դասընթացն անցկացվում է «Վանաձորի հաշվապահական հաշվառման գրասենյակի», «Բալանս» և «Ձեր հաշվապահը» ընկերությունների հետ համատեղ մշակված կրթական ծրագրով։

Դասընթացի շրջանակում մասնակիցները կուսումնասիրեն հաշվապահական հաշվառում, Taxservice, E-Invoicing, ՀԾ-7 հաշվապահական ծրագրերը:

Դասընթացին կարող են մասնակցել 15-ից 29 տարեկան բոլոր հետաքրքրված անձինք: Դասընթացի մեկնարկը կտրվի մարտի 1-ին և կտևի 4-5 ամիս: