ՆԱՏՕ-ի երկրների պաշտպանության նախարարների հանդիպումը տեղի կունենա փետրվարի 14-15-ը Բրյուսելում
1 րոպեի ընթերցում
ԵՐԵՎԱՆ, 26 ՀՈՒՆՎԱՐԻ, ԱՐՄԵՆՊՐԵՍ: ՆԱՏՕ-ի երկրների պաշտպանության նախարարների և Ուկրաինայի պաշտպանության հարցով շփման խմբի նիստերը տեղի կունենան փետրվարի 14-15-ը Բրյուսելում։ Այս մասին հաղորդում է «Արմենպրես»-ը՝ վկայակոչելով Հյուսիսատլանտյան դաշինքի մամուլի ծառայության տարածած հաղորդագրությունը:
«Հյուսիսատլանտյան խորհրդի նիստը՝ պաշտպանության նախարարների մակարդակով, տեղի կունենա փետրվարի 14-15-ը Բրյուսելում՝ ՆԱՏՕ-ի կենտրոնակայանում: Այն կնախագահի գլխավոր քարտուղար Յենս Ստոլտենբերգըե, - նշվում է հաղորդագրությունում: «Փետրվարի 14-ին ՆԱՏՕ-ի կենտրոնակայանում կկայանա Ուկրաինայի պաշտպանության հարցով շփման խմբի առանձին նիստ՝ ԱՄՆ-ի գլխավորությամբ»,- ասել են մամուլի ծառայությունում։
Ինչ վերաբերում է հանդիպումների ծրագրին, ապա այն կհրապարակվի ավելի ուշ, հավելել են մամուլի ծառայությունում։ Ուկրաինայի պաշտպանության հարցով շփման խմբի վերջին նիստը, որը հրավիրվել Է Վաշինգտոնի և նրա դաշնակիցների կողմից, տեղի է ունեցել հունվարի 20-ին Գերմանիայի ամերիկյան «Ռամշտայն» ավիաբազայում: