Բոսֆորի նեղուցում վերսկսվել է նավարկությունը
1 րոպեի ընթերցում
![Բոսֆորի նեղուցում վերսկսվել է նավարկությունը](http://armenpress.am/resized/480/static/news/b/2023/01/1101805.jpg)
ԵՐԵՎԱՆ, 16 ՀՈՒՆՎԱՐԻ, ԱՐՄԵՆՊՐԵՍ: Բոսֆորի նեղուցում հունվարի 16-ից վերականգնվել է նավերի երթևեկությունը: Դա տեղի է ունեցել ծանծաղուտում խրված նավը դուրս բերելուց հետո: Ինչպես հաղորդում է «Արմենպրես»-ը՝ վկայակոչելով «ՌԻԱ Նովոստի»-ն, այս մասին հայտնել է Թուրքիայի առափնյա պահպանության գլխավոր վարչությունը:
Գործակալությունը հայտնում է, որ ներկայումս նեղուցում նավերի բազմակիլոմետրանոց հերթ է գոյացել:
Ուկրաինայից Ստամբուլ մեկնող բեռնանավն առավոտյան է խրվել է ծանծաղուտում: Ավելի քան չորս ժամ տևած գործողություններից հետո այն այնտեղից դուրս է բերվել:
«ՌԻԱ Նովոստի»-ի տեղեկություններով՝ նավերի շարժը հյուսիսից հարավ վերականգնվել է տեղական ժամանակով ժամը 17:40-ից՝ Երևանի ժամանակով ժամը 18:40-ից: