Երևանի Ղազար Փարպեցու փողոցում կիսակառույց շինության առաստաղ և շինարարական աղբ է այրվել

ԵՐԵՎԱՆ, 15 ՀՈՒՆՎԱՐԻ, ԱՐՄԵՆՊՐԵՍ: Ճգնաժամային կառավարման ազգային կենտրոնը հունվարի 15-ին, ժամը 03։36-ին ահազանգ է ստացել, որ Երևանի Ղազար Փարպեցու փողոցի թիվ 4 շենքի մոտակայքում՝ կիսակառույց շինությունում, այրվում է կուտակած աղբ։

Ինչպես «Արմենպրես»-ին տեղեկացրին ՀՀ ներքին գործերի նախարարության փրկարար ծառայությունից, դեպքի վայր է մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատի երկու մարտական հաշվարկ։

Ըստ աղբյուրի՝ հրդեհը մեկուսացվել է ժամը 04։30-ին, մարվել՝ 05։49-ին։ Այրվել են կիսակառույց շինության փայտե առաստաղը (մոտ 40 քմ) և շինարարական աղբ: