2 րոպեի ընթերցում
ԵՐԵՎԱՆ, 11 ՀՈւՆՎԱՐԻ, ԱՐՄԵՆՊՐԵՍ: Կանադան ԱՄՆ-ից NASAMS զենիթահրթիռային համակարգ կգնի և այն կտրամադրի Կիևին: «Արմենպրես»-ի փոխանցմամբ՝ այս մասին Twitter-ի իր միկրոբլոգում հայտնել է Կանադայի պաշտպանության նախարար Անիտա Անանդը:
I spoke with Ukrainian Defence Minister @OleksiiReznikov this morning and heard it directly: air defence systems are Ukraine’s top priority. That’s why Canada is purchasing a National Advanced Surface-to-Air Missile System (NASAMS) from the United States to donate to Ukraine. pic.twitter.com/33bdHmcldb
— Anita Anand (@AnitaAnandMP) January 10, 2023
«Հակաօդային պաշտպանության համակարգերը Ուկրաինայի համար առաջնահերթություն են, այդ պատճառով Կանադան ԱՄՆ-ից գնում է NASAMS զենիթահրթիռային համակարգ, որպեսզի այն փոխանցի Ուկրաինային», - գրել է նա։ Անիտա Անանդը նաև շեշտել է, որ Կանադան կշարունակի կանգնել ուկրաինացի ժողովրդի կողքին Ռուսաստանի դեմ պայքարում:
Ուկրաինայի նախագահ Վլադիմիր Զելենսկին շնորհակալություն է հայտնել Կանադայի վարչապետ Ջասթին Թրյուդոյին երկինքը պաշտպանելու հարցում Ուկրաինային օգնելու համար: «Կանադայի կողմից մեզ համար ձեռք բերված NASAMS-ն ուժեղ վահան կլինի մեր քաղաքների և քաղաքացիների համար», - գրել է Զելենսկին Twitter-ի իր էջում: 2022 թ.-ի նոյեմբերի տվյալներով՝ Ուկրաինայում ՌԴ ծավալած ռազմական գործողությունների ընթացքում Կանադան Կիևին է տրամադրել 3.4 մլրդ ԱՄՆ դոլարի աջակցություն:
Dear @JustinTrudeau, your true leadership in standing for democracy and human rights has been vividly proven again. Thank you for helping us to protect our sky. NASAMS procured for us by Canada will be a strong shield for our cities and citizens.
— Володимир Зеленський (@ZelenskyyUa) January 10, 2023