Երևանի Մյասնիկյան պողոտայում ավտոմեքենա է այրվել

ԵՐԵՎԱՆ, 8 ՀՈՒՆՎԱՐԻ, ԱՐՄԵՆՊՐԵՍ: Ճգնաժամային կառավարման ազգային կենտրոնը հունվարի 8-ին, ժամը 13։23-ին ահազանգ է ստացել, որ Երևանի Մյասնիկյան պողոտայում այրվում է ավտոմեքենա:

Ինչպես «Արմենպրես»-ին տեղեկացրին ՀՀ արտակարգ իրավիճակների նախարարությունից, դեպքի վայր են մեկնել ԱԻՆ փրկարար ծառայության Երևան քաղաքի փրկարարական վարչության հրշեջ-փրկարարական ջոկատի մեկ մարտական հաշվարկ ևՃգնաժամային կառավարման ազգային կենտրոնի օպերատիվ խմբերը:

Ըստ աղբյուրի՝ հրդեհը մեկուսացվել է ժամը 13։45-ին, մարվել՝ 13:55 -ին: