1 րոպեի ընթերցում
ԵՐԵՎԱՆ, 7 ՀՈՒՆՎԱՐԻ, ԱՐՄԵՆՊՐԵՍ։ Մահացել է ամերիկացի դերասան Էրլ Բոենը, որը առավել հայտնի է «Տերմինատոր» ֆիլմերի ֆրանշիզայի առաջին երեք հատվածներում բժիշկ Փիթեր Սիլբերմանի դերով: Ինչպես տեղեկացնում է «Արմենպրես»-ը, այս մասին հայտնում է TMZ պորտալը՝ հղում անելով դերասանի ընտանիքին։
Նշվում է, որ 82-ամյա դերասանը մահացել է հունվարի 5-ին` Հավայան կղզիներում, սակայն պատճառն ընտանիքի անդամները չեն հայտնել:
Էրլ Բոենը նաև նկարահանվել է «Ճակատամարտ աստղերից այն կողմ», «Օտար ազգ» և այլ ֆիլմերում։
Էրլ Բոենը դադարել է նկարահանվել 2003 թվականին, սակայն շարունակել է կրկնօրինակել ֆիլմեր, մուլտֆիլմեր և խաղեր։