1 րոպեի ընթերցում
ԵՐԵՎԱՆ, 2 ՆՈՅԵՄԲԵՐԻ, ԱՐՄԵՆՊՐԵՍ։ Քննչական կոմիտեն տրանսպորտային միջոցների բարելավման նպատակով նախատեսում է 174 միլիոն դրամով 12 տրանսպորտային միջոց ձեռք բերել։ Ինչպես տեղեկացնում է «Արմենպրես»-ը, ԱԺ մշտական հանձնաժողովների համատեղ նիստում 2023 թ. պետական բյուջեի մասին օրենքի նախագծիքննարկման ժամանակ այս մասին Քննչական կոմիտեի նախագահի տեղակալ Արսեն Այվազյանը։
«Նշեմ, որ դրանք ամենագնացներ են, որոնք անհրաժեշտ են մեր զինվորական քրեական գործերով քննչական գլխավոր վարչությանը։ Գիտեք, որ քննիչները սահմանամերձ տարբեր գոտիներում են իրենց գործունեությունը իրականացնում, երբեմն՝ առաջնագծերում։ Այս ամենագնացները խիստ անհրաժեշտ են իրենց ամենօրյա աշխատանքները կազմակերպելու համար»,- ասաց Այվազյանը։