Պատմության հետագծով

ԵՐԵՎԱՆ,21 ՀՈՒԼԻՍԻ,ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ/ԱՐՄԵՆՊՐԵՍ:735 թ. հուլիսի 21-ին մահացել է Ստեփանոս Սյունեցին՝ աստվածաբան:

-1796 թ. հուլիսի 21-ին մահացել է Ռոբերտ Բըրնսը՝ բրիտանացի պոետ:

-1899 թ. հուլիսի 21-ին ծնվել է Էռնեստ Հեմինգուեյը՝ ամերիկացի գրող եւ լրագրող, Նոբելյան մրցանակակիր գրականության ասպարեզում (1954)։ Նրա սեղմ, բայց եւ գերհագեցած գրելաոճը մեծ ազդեցություն է ունեցել 20-րդ դարի արձակի վրա, իսկ արկածներով լի անձնական կյանքը եւ հասարակական կերպարն ազդել են հետագա սերունդների վրա։

-1905 թ. հուլիսի 21-ին ծնվել է Անդրանիկ Իոսիֆյանը՝ հայ ճարտարագետ, ֆիզիկոս եւ գյուտարար։ Մասնագետներն Իոսիֆյանի անունը դասում էին Կուրչատովի, Կորոլյովի եւ Կելդիշի կողքին։ Խորհրդային կառավարությունը նրան բազմիցս պարգեւատրել պետական եւ Լենինյան մրցանակներով, Սոցիալիստական աշխատանքի հերոսի կոչումով, Մոսկվայի պաշտպանության համար մեդալով, 4 անգամ՝ Լենինի, 2 անգամ՝ Աշխատանքային կարմիր դրոշի եւ Հոկտեմբերյան հեղափոխության շքանշաններով։

-1922 թ. հուլիսի 21-ին իրականացվեց Հայոց ցեղասպանության պատասխանատուներից Ջեմալ փաշայի սպանությունը Թբիլիսիում:

-1947 թ. հուլիսի 21-ին մահացել է Ստեփան Մալխասյանցը՝ ակադեմիկոս, բանասեր, լեզվաբան:

-1948 թ. հուլիսի 21-ին մահացել է Արշիլ Գորկին՝ ամերիկահայ նկարիչ:

-1990 թ. հուլիսի 21-ին մահացել է Սերգեյ Փարաջանովը (Սարգիս Փարաջանյան)՝ կինոռեժիսոր:

Հետաքրքրական է

Թուղթը բուսական թելերից մշակված եւ միահյուսված բարակ թերթանման նյութ է, որի թելերը միմյանց կապվում են կառչման մակերեւութային ուժերով։ Թղթի պատրաստման եղանակը հայտնաբերել է Ցայ Լունը Չինաստանում (2-րդ դար)։ 6-8-րդ դարերում Միջին Ասիայում, Ճապոնիայում, Կորեայում թուղթ էր արտադրվում։ Եվրոպայում երեւան է եկել 11-12-րդ դարերում։ Հայաստանում թուղթն օգտագործվել է 8- 9-րդ դարերից։ Թղթի վրա մեզ հասած ամենահին հայկական ձեռագիրը 10-րդ դարի է։

-Ճապոներեն թուղթ բառը նշանակում է նաեւ աստվածություն։

-A4 ձեւաչափի թուղթը հնարավոր չէ ծալել 7-ից ավելի անգամ։

Ա. Հ.