1 րոպեի ընթերցում
ԵՐԵՎԱՆ, 20 ՀՈՒԼԻՍԻ, ԱՐՄԵՆՊՐԵՍ: Ընդլայնելով իր աշխարհագրությունը՝ Armenian Code Academy կրթական կենտրոնը նոր մասնաճյուղ է բացում Վանաձորում։ «Արմենպրես»-ի հաղորդմաբ՝ այս մասին ACA-ը հայտարարություն է տարածել:
«Մենք գալիս ենք Վանաձոր՝ բացահայտելու մարզաբնակ երիտասարդության ներուժը։ Մեր նպատակն է խթանել մարզային կրթությունը, պատրաստել մրցունակ կադրեր, ովքեր կծառայեցնեն իրենց գիտելիքները համայնքի զարգացմանը»,- նշված է ACA-ի ֆեյսբուքյան էջի հայտարարությունում։
Armenian Code Academy-ն հիմնադրվել է Երևանում 2015 թվականին։ Կենտրոնն առաջարկում է ծրագրավորման դասընթացներ, նաև տեխնիկական մասնագիտություններ սովորելու կրթական ծրագրեր՝ նախատեսված ինչպես սկսնակների, այնպես էլ փորձառու մասնագետների համար։