1 րոպեի ընթերցում
ԵՐԵՎԱՆ, 1 ՀՈՒԼԻՍԻ, ԱՐՄԵՆՊՐԵՍ: Կիևը Անկարային խնդրել է կալանել Թուրքիա մեկնող Բերդյանսկից ուկրաինական հացահատիկ տեղափոխող Ռուսաստանի դրոշով նավը: «Արմենպրես»-ի հաղորդմամբ՝ այս մասին հայտնում է «ՌԻԱ Նովոստի»-ն՝ վկայակոչելով՝ Ուկրաինայի ԱԳՆ պաշտոնյայի հայտարարությանը։
«Ուկրաինան Թուրքիային խնդրել է կալանավորել ռուսական դրոշով «Ժիբեկ Ժոլի» բեռնատար նավը, որը տեղափոխում էր ուկրաինական հացահատիկ, որն արտահանվում էր Բերդյանսկ նավահանգստից»,-հայտնում է Reuters-ը։
Գործակալության տվյալներով՝ Ուկրաինայի ԱԳՆ-ի պաշտոնյան, հղում անելով երկրի ծովային վարչակազմից ստացված տեղեկատվությանը, հայտնել է, որ նավի վրա Բերդյանսկից մոտ 4,5 հազար տոննա հացահատիկ է եղել։