1 րոպեի ընթերցում
ԵՐԵՎԱՆ, 26 ՄԱՅԻՍԻ, ԱՐՄԵՆՊՐԵՍ: Երևանում ընթացող բռնցքամարտի Եվրոպայի առաջնության մրցումային չորրորդ օրվա ցերեկային մրցահերթում Հայաստանի ներկայացուցիչներից պայքարի մեջ մտավ աշխարհի փոխչեմպիոն Դավիթ Չալոյանը:
«Արմենպրես»-ի հաղորդմամբ` երևանյան մրցաշարի գերծանր քաշային բռնցքամարտիկների պայքարում Դավիթ Չալոյանի առաջին մրցակիցը Բոսնիա և Հերցեգովինայից Ժուրաժ Սոլդոն էր: Չալոյանը հաղթական տոնեց 5:0 հաշվով:
Ավելի վաղը Հայաստանի հավաքականի կազմում հաղթել էին նաև Օլիմպիական խաղերի բրոնզե մեդալակիր Հովհաննես Բաչկովը (63,5 կգ) և Գուրգեն Մադոյանը (67 կգ):
Երեկոյան մրցափուլում 92 կգ քաշային Նարեկ Մանասյանի առաջին մրցակիցը կլինի Սլովակիայից Դավիթ Միքալեկը: