Մակրոնը չի բացառել, որ ռուս-ուկրաինական հակամարտությունը կարող է տարածվել հարևան երկրների վրա
1 րոպեի ընթերցում
ԵՐԵՎԱՆ, 19 ՄԱՅԻՍԻ, ԱՐՄԵՆՊՐԵՍ: Ֆրանսիան չի բացառում, որ ռուս-ուկրաինական հակամարտությունը կարող է տարածվել հարևան երկրների վրա: Ինչպես տեղեկացնում է «Արմենպրես»-ը, վկայակոչելով ՏԱՍՍ-ը, այս մասին հայտարարել է Ֆրանսիայի նախագահ Էմանուել Մակրոնը՝ Ելիսեյան պալատում ընդունելով Մոլդովայի նախագահ Մայա Սանդույին:
«Մերձդնեստրի վերջին միջադեպերը ցույց են տալիս, որ չի կարելի բացառել հակամարտության տարածումը հարեւան երկրների վրա», - ասել է Մակրոնը:
Նրա խոսքով ՝ Ֆրանսիան մտադիր է հատուկ ուշադրությամբ հետևել տարածաշրջանային անվտանգության իրավիճակին եւ Մոլդովայի ինքնիշխանության և տարածքային ամբողջականության դեմ ցանկացած հնարավոր ոտնձգությանը:
«Ուկրաինայի հակամարտությունը վտանգ է ներկայացնում ամբողջ տարածաշրջանի, այդ թվում ՝ Մոլդովայի համար», - նշել է Ֆրանսիայի նախագահը: