1 րոպեի ընթերցում
ԵՐԵՎԱՆ, 8 ԱՊՐԻԼԻ, ԱՐՄԵՆՊՐԵՍ: «Ռոսիա մոլ» և «Մետրոնոմ» առևտրի կենտրոններում պայթուցիկ սարքեր չեն հայտնաբերվել: Ինչպես տեղեկացնում է «Արմենպրես»-ը, այս մասին հայտնում է ԱԻՆ-ը:
Ապրիլի 8-ին, ժամը 14:13-ին Ճգնաժամային կառավարման ազգային կենտրոն տեղեկություն է ստացվել, որ Երևանի Իսահակյան փողոցի մոտակայքում՝ «Մետրոնոմ» առևտրի կենտրոնում, պայթուցիկ սարք է տեղադրված։ Փրկարարները ոստիկանության աշխատակիցների հետ համատեղ տարահանել էին մոտ 500 քաղաքացու:
Ավելի ուշ, ժամը 14:56-ին ահազանգ է ստացվել, որ Երևանի «Ռոսիա մոլ» առևտրի կենտրոնի տարածքում պայթուցիկ սարք է տեղադրված: Փրկարարները ոստիկանության աշխատակիցների հետ համատեղ տարահանել էին մոտ 2000 քաղաքացու: Տեղազննման արդյունքում պայթուցիկ սարքեն չեն հայտնաբերվել:
