Պենտագոնը հայտարարում է Ուկրաինային 300 միլիոն դոլարի հավելյալ օգնություն հատկացնելու մասին
1 րոպեի ընթերցում
ԵՐԵՎԱՆ, 2 ԱՊՐԻԼԻ, ԱՐՄԵՆՊՐԵՍ: ԱՄՆ-ի պաշտպանության նախարարությունը ապրիլի 1-ին Կոնգրեսին ծանուցել է Ուկրաինայի անվտանգության աջակցության նախաձեռնության (USAI) կողմից տրամադրված լրացուցիչ աջակցության գործողությունների մասին: «Արմենպրես»-ի հաղորդմամբ՝ այս մասին հայտնում ԱՄՆ պաշտպանության վարչությունը։
«USAI-ի միջոցով կտրամադրվի մինչև 300 միլիոն դոլարի աջակցություն անվտանգության ոլորտում Ուկրաինայի պաշտպանունակությունն ուժեղացնելու համար: Այս որոշումը ընդգծում է Միացյալ Նահանգների անսասան հավատարմությունը Ուկրաինայի ինքնիշխանությանը և տարածքային ամբողջականությանը»,- ասված է հաղորդագրության մեջ:
Բայդենի վարչակազմի պաշտոնավարման սկզբից ի վեր Միացյալ Նահանգներն Ուկրաինային տրամադրել է ավելի քան 2,3 միլիարդ դոլարի անվտանգության ապահովման աջակցություն։