1 րոպեի ընթերցում
ԵՐԵՎԱՆ, 23 ՄԱՐՏԻ, ԱՐՄԵՆՊՐԵՍ։ Մարդու իրավունքների եվրոպական դատարանի որոշումներով ապացուցված քաղբանտարկյալի դիտավորյալ դատած դատավորները դուրս են մղվելու դատական համակարգից։ Ինչպես տեղեկացնում է «Արմենպրես»-ը, Ազգային ժողովում Կառավարության անդամների հարց ու պատասխանի ժամանակ այս մասին հայտնեց արդարադատության նախարար Կարեն Անդրեասյանը։
«Մեր նախաձեռնությունը վերաբերում է քաղբանտարկյալներ դատած դատավորներին՝ ՄԻԵԴ-ի որոշումներով ապացուցված, ովքեր դիտավորյալ ապօրինություններ են թույլ տվել։ Նախագիծը ներկայացվել է Վենետիկի հանձնաժողով։ Եվրոպայի խորհրդի գործընկերները շատ լավ հասկանում են, թե ինչ կարևոր նախագիծ է»,- ընդգծեց Անդրեասյանը։
Նախարարը վստահեցրեց, որ, Վենետիկի հանձնաժողովի կարծիքը ամբողջությամբ հաշվի առնելով, հենց այն դատավորները, ովքեր քաղբանտարկյալներ են դատել Հայաստանում, դուրս են մղվելու դատական համակարգից։