Միջազգային

Պուտինը հրամայել է ՌԴ բանակի զսպման ուժերը բերել ծառայության հատուկ ռեժիմի

1 րոպեի ընթերցում

Պուտինը հրամայել է ՌԴ բանակի զսպման ուժերը բերել ծառայության հատուկ ռեժիմի

ԵՐԵՎԱՆ, 27 ՓԵՏՐՎԱՐԻ, ԱՐՄԵՆՊՐԵՍ: ՌԴ նախագահ Վլադիմիր Պուտինը, ի պատասխան Արեւմուտքի ագրեսիվ արտահայտությունների, հանձնարարել է զսպման ուժերը ռուսական բանակում ծառայության հատուկ ռեժիմի բերել, տեղեկացնում է «Արմենպրես»-ը՝ վկայակոչելով ՏԱՍՍ-ը:

«ՆԱՏՕ-ի առաջատար երկրների բարձրաստիճան պաշտոնյաները թույլ են տալիս նաև ագրեսիվ արտահայտություններ մեր երկրի հասցեին, ուստի հրամայում եմ պաշտպանության նախարարին և գլխավոր շտաբի պետին [ՌԴ ԶՈՒ] ռուսական բանակի զսպման ուժերը բերել մարտական հերթապահության հատուկ ռեժիմի», - ասել է պետության ղեկավարը կիրակի Կրեմլում ՌԴ պաշտպանության նախարար Սերգեյ Շոյգուի եւ ՌԴ Զինված ուժերի գլխավոր շտաբի պետ Վալերի Գերասիմովի հետ հանդիպման ժամանակ:

Դիմելով պաշտպանության նախարարին եւ գլխավոր շտաբի պետին՝ Պուտինն ընդգծել է, որ արեւմտյան երկրները նաեւ տնտեսական ոլորտում Ռուսաստանի նկատմամբ անբարյացակամ գործողություններ են ձեռնարկում: «Ես նկատի ունեմ ոչ լեգիտիմ պատժամիջոցները, որոնց մասին բոլորը լավ գիտեն»,- հավելել է նա:

AREMNPRESS

Հայաստան, Երևան, 0002, Մարտիրոս Սարյան 22

+374 11 539818
contact@armenpress.am
fbtelegramyoutubexinstagramtiktokdzenspotify

Ցանկացած նյութի ամբողջական կամ մասնակի վերարտադրման համար անհրաժեշտ է «Արմենպրես» լրատվական գործակալության գրավոր թույլտվությունը

© 2024 ARMENPRESS

Ստեղծվել է՝ MATEMAT-ում