1 րոպեի ընթերցում
ԵՐԵՎԱՆ, 9 ԴԵԿՏԵՄԲԵՐԻ, ԱՐՄԵՆՊՐԵՍ: ՀՀ ազգային ժողովի նախագահ Ալեն Սիմոնյանը հանդիպել է գերիների և անհետ կորածների հարազատների հետ։ «Արմենպրես»-ի փոխանցմամբ՝ այդ մասին նա տեղեկացրել է «Ֆեյսբուք» սոցիալական ցանցում կատարած գրառման միջոցով։
«Քիչ առաջ ավարտվեց հանդիպումս գերիների և անհետ կորածների հարազատների հետ:
Բոլոր տղաների ողջ և առողջ Հայաստան վերադարձի ուղղությամբ տարվող մեր ջանքերը չեն դադարել ու չեն դադարելու:
Շնորհակալ եմ հանդիպման համար»,- գրել է ԱԺ նախագահը։
Քաղաքացիական պայմանագիր կուսակցության պաշտոնական էջում ևս այս մասին գրառում է կատարվել։ Նշված է, որ ավարտվել է ԱԺ նախագահ Ալեն Սիմոնյանի նախաձեռնած հանդիպումը Ադրբեջանում գտնվող գերիների ու անհետ կորած զինծառայողների հարազատների հետ:
Հանդիպմանը մասնակցել են հարազատներից 10 հոգի, այդ թվում՝ զինծառայողների մայրեր:
Նշվում է, որ համաձայն պայմանավորվածության՝ այլ մանրամասներ չեն ներկայացվում: