1 րոպեի ընթերցում
ԵՐԵՎԱՆ, 22 ՆՈՅԵՄԲԵՐԻ, ԱՐՄԵՆՊՐԵՍ: Սլովենիայում ավարտվեց շախմատի Եվրոպայի 23-րդ թիմային առաջնությունը:
«Արմենպրես»-ի հաղորդմամբ` Վերջին տուրում Հայաստանի տղամարդկանց հավաքականը 1։3 հաշվով պարտվեց Ուկրաինային և վաստակած 12 միավորով զբաղեցրեց 7-րդ հորիզոնականը։
Եվրոպայի չեմպիոնի տիտղոսը նվաճեց հենց Ուկրաինայի թիմը՝ 14 միավորով: Նույնքան միավոր վաստակեց նաև Ֆրանսիան, որը վերջին տուրում հաղթեց Ադրբեջանին, բայց լրացուցիչ ցուցանիշներով գրավեց 2-րդ հորիզոնականը: Լավագույն եռյակը եզրափակեց Լեհաստանի ընտրանին (13 միավոր)։
Հայաստանի կանանց հավաքականն էլ վերջին տուրում 3։1 հաշվով հաղթեց չեխերին և 10 միավորով գրավեց 11-րդ տեղը։