1 րոպեի ընթերցում
ԵՐԵՎԱՆ, 30 ՀՈԿՏԵՄԲԵՐԻ, ԱՐՄԵՆՊՐԵՍ: Մեծ քսանյակի (G20) գագաթնաժողովը Հռոմում սկսել է աշխատանքները: Ինչպես փոխանցում է«Արմենպրես»-ը, այս մասին հայտնում է «ՌԻԱ Նովոստի»-ի թղթակիցը:
Պետությունների ու կառավարությունների, ինչպես նաև խոշոր միջազգային կազմակերպությունների ղեկավարները ժամանել են կոնգրես-կենտրոն, որտեղ նրանց դիմավորել է Իտալիայի վարչապետ Մարիո Դրագին:
Ընդհանուր ընտանեկան լուսանկարում G20-ի առաջնորդներին միացել են սպիտակ խալաթով բուժաշխատողներն ու բժիշկները, ում ղեկավարները դիմավորել են ծափահարություններով:
Դրագիի բացման խոսքից հետո մասնակիցները կանցնեն առաջին աշխատանքային քննարկմանը, որը նվիրված է համաշխարհային տնտեսությանն ու առողջապահությանը:
Գագաթնաժողովի հիմնական թեմաներն են կլիմայական փոփոխությունները, համավարակի հետևանքները, պատվաստումների գործընթացն ու աջակցությունը տնտեսություններին: