1 րոպեի ընթերցում
ԵՐԵՎԱՆ, 31 ՕԳՈՍՏՈՍԻ, ԱՐՄԵՆՊՐԵՍ: Երևանի «Աստղիկ» բժշկական կենտրոնում լույս աշխարհ է եկել եռյակ՝ երեքն էլ աղջիկ: Ինչպես փոխանցում է «Արմենպրես»-ը, այդ մասին հաղորդում է ԲԿ-ի ֆեյսբուքյան էջը:
«Այսօր Աստղիկ ԲԿ-ից երեք եղբայրները տուն տարան իրենց նորածին երեք քույրերին:
Եռյակը ծնվել է կեսարյան հատմամբ՝ բնականոն առաջացած հղիությունից: Քույրիկները ծնվել էին անհաս, մեկ ամիս «Աստղիկ» ԲԿ-ի նորածնային ինտենսիվ թերապիայում անցկացնելուց հետո դուրս են գրվել լիարժեք առողջ: Ընտանիքը, որ արդեն ուներ 3 զավակ, անհամբերությամբ և մեծ ուրախությամբ դիմավորեց փոքրիկներին»,- ասված է հաղորդագրության մեջ: