Մահացել է Իտալիայի ամենատարեց կին բնակիչը

ԵՐԵՎԱՆ, 28 ՕԳՈՍՏՈՍԻ, ԱՐՄԵՆՊՐԵՍ: Իտալիայի ամենատարեց բնակչուհին՝ Մարիա Օլիվան 112 տարեկանում մահացել է: «Արմենպրես»-ի փոխանցմամբ, իտալական ANSA գործակալությունը հայտնել է, որ նա մահացել է իր տանը՝ Սիցիլիայի Պյացա-Արմերինա քաղաքում, որտեղ ապրել է ողջ կյանքի ընթացքում:

Մարիա Օլիվան 112 ամյակը նշել էր ապրիլի 16-ին: Նա ունեցել է ութ երեխա, որոնցից ողջ են հինգը, ինչպես նաև 58 թոռ և ծոռ: 2018 թվականին նա հանդիպել էր Հռոմի Ֆրանցիսկոս պապի հետ, երբ վերջինս այցելել էր Սիցիլիա:

Իտալիայի ամենատարեց կին բնակչի տիտղոսն այժմ պատկանում է Իդա Ձոկարատոյին, ով 112 տարեկան է դարձել մայիսի 24-ին: