1 րոպեի ընթերցում
ԵՐԵՎԱՆ, 9 ՕԳՈՍՏՈՍԻ, ԱՐՄԵՆՊՐԵՍ: Իտալիայի փոստային ծառայողները հայտնաբերել են Հռոմի Ֆրանցիսկոս պապին ուղարկված նամակ, որի մեջ եղել Է երեք գնդակ: Այդ մասին հաղորդել Է Associated Press (AP) գործակալությունը, տեղեկացնում Է «Արմենպրես»-ը:
Կասկածելի ծրարը փոստում հայտնաբերվել Է լույս օգոստոսի 9-ի գիշերը Միլանի արվարձանի տեսակավորման կետում: Նամակն ուղարկվել Էր Ֆրանսիայից: Միլանի իրավապահ մարմինները հետաքննություն են սկսել: Ծրարի վրա ձեռքով գրված Էր. «Հռոմի պապին, Վատիկան, Սուրբ Պետրոսի հրապարակ, Հռոմ»:
Նամակի մեջ հայտնաբերվել Է երեք գնդակ, ենթադրաբար՝ ատրճանակի համար, եւ Վատիկանի ֆինանսական գործողություններին վերաբերող հաղորդագրություն: Վատիկանի ներկայացուցիչները ոչ մի ձեւով չեն մեկնաբանել իրադրությունը, հաղորդել Է «Ինտերֆաքս»-ը: